Ял çыннишĕн сĕт яланах тупăш çăлкуçĕ шутланнă. Ăна патшалăха сутăн парса хăшĕ-пĕри саплашăнса пурăнать те: çутăпа газшăн тÿлет, апат-çимĕç туянать.

Ехремкасси ял тăрăхĕнче паянхи кун сĕте патшалăха паракансем йышлă. «Авангард» хуçалăх, Е. Захаров предприниматель, Вăрнарти сĕт завочĕ, райпо çак чĕртавара 18 тенкĕпе пуçтарать пулсан, Пăрачкав районĕнчен килекен предприниматель 19 тенкĕпе туянать. Сĕт хакĕ ÿссе пынишĕн ял çынни хавхаланать паллах.