Хисеплӗ МЧС сотрудникӗсем!

Ҫӑлавҫӑ кунӗ ячӗпе сире пӗтӗм чӗререн саламлас тетӗп!

Сире, хастар та хӑюллӑ тата паттӑр ҫынсене, чунтан тав тӑватӑп, суйласа илнӗ профессийӗр – чи кӑткӑс та яваплисенчен пӗри. Эсир хӑвӑр пур­­­нӑ­ҫӑр хӑрушлӑха лекме пултарассине пӑхмасӑр инкекри ҫынсене пулӑшма яланах чӑн малтан пырса ҫи­тетӗр.

Кӑҫал республикӑри пушарпа ҫӑлав подразделенийӗсен сотрудникӗсем ҫул ҫинчи транспорт инкекӗсенче шар курнисене пулӑшма пин хутчен ытла ҫула тухнӑ, 1300 яхӑн ҫынна инкекрен ҫӑл­нӑ. Пушарсемпе кӗрешнӗ вӑхӑтра 400 ытла ҫынна тата 700 миллион тенке яхӑн пурлӑха вут-ҫулӑм аллине лекесрен хӑтарса хӑварнӑ.

Пирӗн ҫӑлавҫӑсен пысӑк ӑсталӑхӗпе хӑюлӑхне, чӑтӑмлӑхӗпе хастарлӑхне федераци шайӗнче те пысӑка хурса хакланӑ. 2014 ҫул­та «Раҫҫей МЧСӗн Раҫҫей Федерацийӗн субъектӗнчи ҫул ҫинчи транспорт ин­кекӗ вӑхӑтӗнче васкавлӑн ӗҫлекен чи лайӑх Тӗп управ­ленийӗ» ята ҫӗн­се илессишӗн ирттернӗ смотр-конкурс пӗтӗмле­тӗ­вӗ­сем тӑ­рӑх Чӑваш Республики иккӗмӗш вырӑн йышӑннӑ.

Сире тӳрӗ кӑмӑлпа тӑвакан ӗҫӗршӗн, тивӗҫе па­рӑннӑшӑн тав тӑватӑп. Ҫирӗп сывлӑх, ҫӑмӑл мар тата хатарлӑ ӗҫӗрте ӑнӑҫу, телей, тӑнӑҫлӑх, мӗн пур лайӑххине тата ырлӑх сунатӑп!

Чӑваш Республикин  Пуҫлӑхӗ                                                                          М.Игнатьев