Василий Петров - "Паллă писатель - пирĕн ентеш" (Çĕрпÿ районĕ)
Чăваш Республикин тата Раççей Федерацийĕн культурин тава тивĕçлĕ ĕçченĕ, Раççей Федерацийĕн журналисчĕсен преми лауреачĕ, паллă прозаик, публицист, очеркист Василий Петров 75 çул тултарчĕ.
Василий Петров – Энĕшкасси Катек ялĕнче çуралса ÿснĕ. Чиричкасси ялĕнчи моделлĕ библиотекăпа шкул пĕрле хатĕрленĕ литература сехечĕ пулса иртрĕ. Çыравçăн пурнăçĕпе ĕçĕ-хĕлĕ çинчен библиотека заведующийĕ Галина Григорьева паллаштарчĕ. 5-9-мĕш классенче вĕренекенсем хăйсем вуланă хайлавсемпе паллаштарчĕç, тишкерчĕç.
Çак паллă кун валли çыравçă кĕнекисен куравне, ун пултарулăхне сăнлакан стенд йĕркеленĕ.
(Çĕрпÿ районĕ)