Сочири Хĕллехи Олимпиадăна халалласа çул çитменнисен социаллă реабилитаципе диагностика уйрăмĕнче «Олимпиадăна пĕлетпĕр-и;» темăпа интереслĕ мероприяти иртрĕ. Унăн тĕллевĕ: кунти воспитанниксене Олимп вăййисемпе паллаштарасси, спорт енне туртăнаслăха ÿстересси, Тăван çĕршывпа мăнаçланас туйăма аталантарасси. Ачасем Олимп вăййисен историйĕпе, символикипе паллашрĕç. Вăйă-викторина йĕркелерĕç. Спорт вăййисем ирттерчĕç. Вăйăсен пĕтĕмлетĕвĕ тăрăх пур воспитанник те дипломсемпе тутлă парнесем илчĕç.