Вăрмарсем - регионсем шайĕнчи чăваш чĕлхипе литература олимпиадин çĕнтерÿçĕсен йышне кĕнĕ
2014 çулхи нарăсăн 7-мĕшĕнче И.Я. Яковлев ячĕллĕ чăваш патшалăх педагогика университетĕнче регионсем шайĕнчи чăваш чĕлхипе литература олимпиади иртрĕ. Олимпиадăна Чăваш Республикинчи тата республика тулашĕнчи шкулсенче 9-11-мĕш классенче вĕренекенсем хутшăнчĕç.
Вăрмар район чысне асăннă олимпиадăра 2 вĕренекен хÿтĕлерĕ.
Вăрмарти вăтам пĕлÿ паракан шкулта вĕренекен Ларионова Татьяна (вĕрентекенĕ – Антонова Валентина Германовна) вунпĕрмĕш классем хушшинче, тăххăрмĕш классем хушшинче Чупайри пĕтĕмĕшле пĕлÿ паракан тĕп шкулта вĕренекен Петрова Анастасия (вĕрентекенĕ - Цыфаркина Людмила Александровна) çĕнтерÿçĕ ятне тивĕçрĕç.
Вăрмар район, шкул чысне регионсем шайĕнчи чăваш чĕлхипе литература олимпиадинче хÿтĕленĕ вĕренекенсене саламлатпăр, малашне те хастар пулма сунатпăр.