Комсомольски районĕшĕн кăçал пысăк пĕлтерĕшлĕ мероприяти чылай. Пĕрремĕшĕ: вăл Республика кунне йышăнать. Иккĕмĕшĕ: района йĕркелесе янăранпа 75 çул çитет. Çавна май культура ĕçченĕсен те яваплăха ÿстерме тивет. Паллă çак пулăмсене тивĕçлĕ шайра ирттерес тĕлĕшпе çине тăрса ĕçлеççĕ те. Сăмахран, район юбилейне пултарулăх коллективĕсен смотр-конкурсне халалланă. Вăл иртнĕ çул вĕçĕнче Чĕчкен ял тăрăхĕнче старт илнĕ.