Вăрмар районĕ: мини-футболра вăй виçрĕç
Темиçе çул хушши ĕнтĕ Кивĕ Вăрмарта ял пуçлăхĕн призĕсене çĕнсе илессишĕн ял урамĕсем хушшинче мини-футбол енĕпе турнир ирттереççĕ. Кăçал ăна Тăван çĕршыв хÿтĕлевçин кунĕпе çыхăнтарнă.
Çапла вара февралĕн 22-мĕшĕнче Кивĕ Вăрмарти пĕтĕмĕшле пĕлÿ паракан вăтам шкул умĕнчи стадионта 4 команда вăй виçрĕç. Пĕрремĕш вырăнта Мерекассисем тухрĕç, иккĕмĕшĕнче - Виçпÿртсем, виççĕмĕшĕнче - Туçисем. Çĕнтерÿçĕ командăсем призсене тивĕçрĕç.
Унсăр пуçне чи лайăх вылякансене те палăртнă. Чи лайăх вратарь ята А.Максимов тивĕçнĕ, чи лайăх тапăнса выляканни М.Алексеев, чи пултаруллă хÿтĕлевçĕ А.Прохоров пулнине палăртрĕç судьясем.