Чăваш Республикин Пуçлăхĕ Михаил Игнатьев Наркоконтроль органӗсен ӗҫченӗсен кунӗ ячӗпе саламлани
Наркоконтроль органӗсен хисеплӗ ӗҫченӗсем!
Сире професси уявӗ ячӗпе саламлатӑп!
Эсир наркотик хатӗрӗсен саккунсӑр ҫаврӑнӑшне хирӗҫ пыракан кӗрешӳре малти ретре тӑратӑр.
Тӗнчере кашни ҫулах наркотиксен ҫӗнӗ тӗсӗсем вӑй илеҫҫӗ, вӗсем саланакан анлӑх та пысӑкланса пырать, халӑх хушшинче наркотиксемпе усӑ куракансен йышӗ ӳсет. Сирӗн ӗҫри ӑсталӑхӑрпа яваплӑхӑр, тивӗҫе парӑнни тата принциплӑ пулни обществӑна ҫав социаллӑ синкертен хӳтӗлеме пулӑшаҫҫӗ.
Наркотик хатӗрӗсемпе усӑ курса тунипе тата вӗсене сарассипе ҫыхӑннӑ преступленисене асӑрхаттарасси, ҫав киревсӗр йӑла уйрӑмах ҫул ҫитмен ҫамрӑксем хушшинче вӑй илесрен сыхланасси патшалӑх политикин тӗп ҫул-йӗрӗсенчен пӗри шутланать. Пирӗн пӗрлехи вӑйпа, чӑн малтанах, халӑх наркотик хатӗрӗсене сивлесе йышӑнассине йӑлана кӗртмелле, ҫамрӑксене спортпа туслаштарма тӑрӑшмалла тата сывӑ пурнӑҫ йӗркине пропагандӑламалла.
Федерацин наркотиксен ҫаврӑнӑшне тӗрӗслесе тӑракан службин Чӑваш Республикинчи управленине туса хунӑранпа иртнӗ 11 ҫул хушшинче эсир компетентлӑ, пысӑк ӑсталӑхлӑ та ӗҫчен, яваплӑ специалистсем пулнине, ӗҫре пухнӑ пуян опытӑрпа пӗлсе усӑ курнине витӗмлӗн ҫирӗплетсе патӑр.
Сирӗн тухӑҫлӑ ӗҫӗре пула Чӑваш Енри наркотиксемпе ҫыхӑннӑ лару-тӑру чылай ҫул хушши ҫирӗп тата тӗрӗслесе тӑракан шайра шутланать.
Нарконтроль ӗҫченӗсене тата ветеранӗсене общество ырлӑхӗшӗн хӑйсене шеллемесӗр тӑвакан ӗҫӗшӗн чунтан тав тӑватӑп.
Сире ҫирӗп сывлӑх, мӗн пур лайӑххине, телей тата ырлӑх сунатӑп!
Чӑваш Республикин Пуҫлӑхӗ М. Игнатьев.