Чăваш Республикин Пуçлăхĕ Михаил Игнатьев Халӑхӑн йӑла ыйтӑвӗсене тивӗҫтерес ӗҫӗн тата пурӑнмалли ҫурт-йӗрпе коммуналлӑ хуҫалӑх ӗҫченӗсен кунӗ ячӗпе саламлани
Чӑваш Енри халӑхӑн йӑла ыйтӑвӗсене тивӗҫтерес ӗҫӗн тата пурӑнмалли ҫурт-йӗрпе коммуналлӑ хуҫалӑхӑн хисеплӗ ӗҫченӗсем!
Сире професси уявӗ ячӗпе чун-чӗререн саламлатӑп!
Обществӑри ҫирӗплӗх тата республикӑри ҫынсем пурнӑҫра хӑйсене мӗнлерех туясси ытларах чухне пурӑнмалли ҫурт-йӗрпе коммуналлӑ хуҫалӑх шанчӑклӑ ӗҫленинчен, унӑн ӗҫченӗсен ӑсталӑхӗпе яваплӑхӗнчен килет.
Пурӑнмалли ҫурт-йӗрпе коммуналлӑ хуҫалӑх кӳрекен пулӑшу ӗҫӗсен пахалӑхне лайӑхлатас шутпа Чӑваш Енре власть органӗсем конкуренцие аталантарма, управляющи организацисен ӗҫ-хӗлне тӗрӗслесе тӑрассине вӑйлатма, вӗсен ӗҫ-хӗл уҫӑмлӑхне ӳстерме, отрасльти мӗн пур организаци ӗҫӗнчи асӑрхаттарусемпе ҫитменлӗхсене пӗтерме хӑйсен енчен тухӑҫлӑ мерӑсем йышӑнаҫҫӗ.
Республикӑри потребитель рынокне аталантарассинче халӑхӑн йӑла ыйтӑвӗсене тивӗҫтерес ӗҫ те пысӑк пӗлтерӗшлӗ, асӑннӑ сферӑра паян 2136 предприяти ӗҫлет, вӗсенче 7700 ҫын вӑй хурать. 2013 ҫулта халӑха кӳнӗ пулӑшу ӗҫӗсен калӑпӑшӗ ӳснӗ, унпа пӗрлех вӗсен пахалӑхӗ те лайӑхланнӑ.
Тӳрӗ кӑмӑлпа пурнӑҫлакан кулленхи ырми-канми ӗҫӗршӗн тата профессие парӑннӑшӑн чунтан тав тӑватӑп. Сире тата сирӗн ҫывӑх ҫыннӑрсене ҫирӗп сывлӑхпа тӑнӑҫлӑх, ырлӑх тата телей сунатӑп!
Чӑваш Республикин Пуҫлӑхӗ М.Игнатьев
