Мартăн 19-мĕшĕнче республикăра Пĕрлехи информаци кунĕ иртет. Пирĕн района республикăри физкультурăпа спорт министрĕ Сергей Мельников ертсе пыракан информушкăн килет.

Тĕл пулусенче сỹтсе явмалли тĕп темăсем:

демографи аталанăвĕн тĕллевлĕ программи 2013 çулта республикăра пурнăçа мĕнле кĕрсе пыни;

çурхи уй-хир ĕçĕсене хатĕрленесси мĕнле пулса пыни çинчен;

çĕр лаптăкĕсен инвентаризацине ирттерес ĕçсем;

граждансен уйрăм категорийĕсене ЖКХ услугисемпе тивĕçтернĕ чух социаллă пулăшу памалли мерăсем çинчен;

пушар хăрушсăрлăхĕн мероприятийĕсене пурнăçласси, çурхи шыв-шуртан сыхланас, тавралăха тасатса тирпей-илем кỹрес ĕçсене пурнăçласси.

Информаци ушкăнĕсем районти пĕчĕк тата инçетре вырнаçнă ялсене çитсе çынсемпе тĕл пулаççĕ.

13 сехетре район администрацийĕн çуртĕнче граждансене харпăр хăй ыйтăвĕпе йышăнаççĕ.

Планеркăра çавăн пекех ял хуçалăх предприятийĕсемпе организацисенче çурхи уй-хир ĕçĕсене хатĕрленес ĕçсем мĕнле пынине, шыв-шуртан сыхланас тĕлĕшпе мĕнле мерăсем йышăннине сỹтсе явнă. Яланхи пекех васкавлă службăсен ертỹçисем оперативлă информаципе паллаштарнă.

Район администрацийĕн пуçлăхĕ В.Ванерке должноçри çынсене вут-кăвартан, шыв-шуртан сыхланас ĕçсене йĕркелес, территорие тасатса тирпей-илем кỹрес, "Ачалăх ячĕпе, ачалăхшăн" ыр кăмăллăх марафонне ирттерес, çур акине хатĕрленес тĕлĕшпе палăртнă ĕçсене пурнăçлассипе хушусем панă.

Планеркăра район пурнăçĕн ытти çивĕч ыйтăвĕсене те сỹтсе явнă.

Г.ЕГОРОВА.