Елчĕк районĕ: «Туслăх хĕлхемĕ» фестиваль
Ака уйăхĕн 11-мĕшĕнче район шайĕнче хушма пĕлÿ паракан ачасемпе çамрăксен пултарулăх çуртĕнче «Туслăх хĕлхемĕ» фестиваль пулса иртрĕ. Мероприятине вĕренекенсен ăс-тăнне, тавракурăмне ÿстерес, чăваш-халăх культурине аталантарас тĕлĕшпе йĕркеленĕ. Унта 6-9 классенчи ачасем хастаррăн хутшăнчĕç. Чăваш чĕлхипе, литературипе, культурипе çыхăннă «Çăлтăрчăк» вăйă-конкурсра вун пилĕк вĕренекен хăйсен ăсталăхне тĕрĕслерĕ. Пилĕк станци витĕр тухса 7 класри Королева Марина (вĕрентекенĕ Малова Г.И. ) иккĕмĕш вырăна тивĕçлĕ пулчĕ.
«Шевле» конкурсра ачасем Анатолий Миттовăн пултарулăхĕпе çыхăннă «Чăвашăн аваллăхĕ» темăпа ÿкерчĕксем турĕç. Виççĕмĕш вырăна 9 класри Кадирова Индира ( вĕрентекенĕ Королева Г.А.) çĕнсе илчĕ.