Кашни çулах Кивĕ Ахпỹртри тĕп пĕлỹ паракан шкулта, чăваш чĕлхи кунне халалласа, ака уйăхĕн вĕçĕнче тĕрлĕ мероприяти иртет. Кăçал та ăна ирттерсе яма ятарлă программа хатĕрленĕ.

Эрнен пĕрремĕш кунĕнче 8 класра вĕренекенсем сăвă вуласа тупăшрĕç.

Пĕрремĕш вырăна, пуринчен те маттуртарах пулса, Кошкина Оксана тухма пултарчĕ. Иккĕмĕш вырăнта - Пыркина Юлия, виççĕмĕшĕнче - Федорова Сильвия.

Çав вăхăтрах 9 класра вĕренекенсем "Манăн тăван чĕлхе - чăваш чĕлхи" ятлă сочинени çырчĕç. Паха та тарăн шухăшлă ĕç Арланова Анитăн пулчĕ. (Патăрьел районĕ)