Утă уйăхĕн 4-мĕшĕнче Чăваш Ен Пуçлăхĕ Михаил Игнатьев Çĕрпӳ районĕнче ĕçпе юрă спорт Акатуй уявĕнче Тихвин ярмăрккинче  пулнă. Республика Пуçлăхĕ Михаил Игнатьев  мĕн-пур уява пуçтарăннă сумлă хăнасемпе çĕр ĕçченĕсене саламланă, вĕсен ырă та пархатарлă ĕçĕсемшĕн чĕререн тав сăмахĕ каланă. «Район, республика аталанса пынă евĕр пĕр тан тăнăçлă ĕçлесе пырать. Социаллă экономика аталанăвĕн çул-йĕрĕ курăмлăнах паха.  Социаллă инфратытăм аван аталанать. Ача сачĕсемпе, стадионсем, ФАП, культура, шкулсен тытăмĕсем те куç кĕретех савăнтараççĕ. Пĕтĕмпех çĕнĕ, хальхи пурнăçпа килĕшсе тăракан технологисем вăй илсе пыраççĕ. Бюджет укçи-тенкипе пĕлсе усă куратăр», - тесе уйрăмăн палăртса каланă Пуçлăх. Кунта пурăнакан халăх кăмăлĕ те уçă, пурăнма пĕлеççĕ. Район администрацийĕн пуçлăхĕ Сергей Артамонов çулталăкăн çур çуллăх ĕç кăтартăвĕсем çинчен каласа кăтартнă. Районти çĕр ĕçченĕсем çуркуннехи уй-хир ĕçсене вăхăтра пурнăçланă. Паян та халăх уйра пуçне çĕклемесĕр утă пухассипе ĕçлет. Йăлана кĕнĕ тăрăх, яланхиллех Чăваш Ен Пуçлăхĕ Михаил Игнатьев, ĕçре маттуррисене Хисеп хучĕсемпе Тав çырăвĕсене парса чысланă. Тин çеç ял хуçалăх ĕçне кӳлĕннĕ çамрăксене патшалăх енчен парса тивĕтерекен пулăшупа хавхалантарнă. Хыççăн республика Пуçлăхĕ Михаил Игнатьев Çĕрпӳри  хĕр арăмсен мăнастирне  çитсе килнĕ, кунта тĕп храмăн реконструкци ĕçĕпе паллашнă, объекта Чăваш автономи облаçĕ йĕркеленнĕренпе 100 çул çитнĕ тĕле вĕçлеме сĕннĕ.  Тĕплĕнрех