Муркаш районĕ: «Оринино» хуçалăх ĕçченĕсем вырнă тыр-пула аласа типĕтес ĕçре тăрăшаççĕ
«Кĕр тулăхĕ хĕле тăрантарать» тенĕ ваттисем. Çак кунсенче «Оринино» тата «Восток» хуçалăхсенче хирти тыр-пула вырса пĕтерчĕç. Халĕ вара ял-хуçалăх ĕçченĕсем вырнă тыр-пула аласа типĕтес тата кĕлетсене ăсатассишĕн тăрăшаççĕ. Йĕтем заведующийĕ Римма Волкова, Рита Филиппова, Зинаида Павлова, Дима Николаев, Николай Репин, Ира Егорова тырă алакансем, тырă типĕтмелли агрегат çинчи Геннадий Александров; Иван Ершов, Владислав Ботников водителсем тăрăшса ĕçлеççĕ.
Каннă вăхăтра вара вĕсне Екатерина Захарова библиотекарь хаçат-журналсемпе паллаштарсах тăрать.