Çак кунсенче Улянкăра пурăнакан Илья Иванович Иванов 95çул тултарчĕ. Паллă кунпа ветерана Йăнтăрчă ял тăрăхĕн пуçлăхĕн çумĕ А.Уськина саламларĕ. Раççей Президенчĕн саламне тата асăнмалăх парне парса çирĕп сывлăх сунчĕ.

     Илья Иванович - иртнĕ вăрçă вут-улăмĕ витĕр утса тухнă ветеран. Вун тăватă çул каялла Мускавра Аслă Çĕнтерĕве халалланă парада хутшăнма тивĕçлĕ пулнă. Çапăçусенчи паттăрлăхшăн 5 орденпа медальсемпе парса наградăланă. Вăрçă хыççăн мирлĕ ĕçе к ÿлĕнсе кун-çулне çамрăк ăрăва вĕрентсе воспитани парассипе çыхăнтарнă. Элпуç шкулĕнче ачасене çар ĕçне хăнăхтарнă. Йăнтăрчăра историпе физкультура вĕрентнĕ, чылай çул кунта шкул директорĕнче тăрăшнă. Хастар ĕçпе вăрçă ветеранне, çамрăксен наставникне район, ял тăрăхĕн Хисеп кĕнекине кĕртнĕ.