Çурла уйăхĕн 6-мĕшĕнче Чăваш Ен Пуçлăхĕ Михаил Игнатьев Шупашкарта пурăнакан,  Украинăран ирĕксĕр куçса килнĕ граждансен пурнăç условипе паллашнă. Республика Пуçлăхăпе Михаил Игнатьевпа пĕрле Чăваш Республикин сывлăх сыхлавĕпе социаллă аталану министрĕн ĕçĕсене вăхăтлăха пурнăçласа пыраканĕ  Татьяна Богданова, Чăваш Республикин халăха ĕçпе тивĕçтерекен патшалăх службин ертӳçин ĕçне вăхăтлăха пурнăçласа пыраканĕ Наталья Тараканова тата  хула администрацийĕн пуçлăхĕ Алексей Ладыков пулнă. «Контур» акционерсен уçă пĕрлешĕвĕнче утă уйăхĕн 14-мĕшĕ тĕлне, Украина çыннисене вырнаçтарма ятарлă 120 вырăн хатĕрленĕ. «Российский Красный Крест» пĕтĕм Раççейри общество организацийĕн Чăваш Енри уйрăмĕн автобусĕсемпе Ростов облаçĕнчен 28 çемьене илсе килнĕ. Хальхи вăхăтра палăртнă предприятире 56 граждан пурăнать, вĕсенчен 22 ача, 10 çынни  ĕçе те вырнаçнă. «Контур» обществăра, вăхăтлăх вырнаçтармалли пунктра, Украинăран куçса килнисем 43 çын пурăнаççĕ тата та 8 заявлени хучĕ пурăнма вырнаçасси пирки ыйтса çырнисене шута илнĕ. Граждансемпе курса калаçнă май, вĕсем хăйсен енчен, кунта пурăнма пур услови те пуррине, апат-çимĕç çителĕклĕ таран пулни пирки пĕлтернĕ. Медицина пулăшăвĕпе те чи çӳллĕ шайра тивĕçтернине хĕпĕртесе каланă. «Эпир, сире пурсăра та хамăрăн тесе шутлатпăр. Пире Совет Союзĕ пĕрлештернĕ. Ахальтен мар пулĕ, куçса килнисенчен нумайăшĕ, хăйсен тăванĕсем патĕнче пурăнаççĕ. Раççей Правительствин йышăнăвĕпе килĕшӳллĕн, пирĕн республикăна федераци бюджетĕнчен 564 пин тенкĕ куçарса панă. Кашни кун, кашни çынна 800 тенкĕ уйăраççĕ. Апла пулин те, сирĕн хăвăра лайăх туйма пур май те пур», - тесе палăртнă Чăваш Ен Пуçлăхĕ Михаил Игнатьев.  Чăваш Ен Пуçлăхĕ тата унпа пĕрле çӳрекен ертӳçĕсем, куçса килнĕ Украина çыннисене валли еплерех çăмăллăхсем пурри пирки тĕплĕн каласа кăтартнă. Çынсем хăйсен сĕнĕвĕсене те каланă, хăшне-пĕрне Михаил Игнатьев тĕрĕслеве илнĕ. Шупашкарта Мичман Павлов урамĕнче вырнаçнă    "Чăваш Ен-курорт" санаторире, утă уйăхĕн 19-мĕшĕ тĕлне 200 çынна вырнаçтарма ятарлă вырăнсем хатĕрленĕ пулнă. Вăл вăхăтра 21 çынна вырнаçтарнă. Хальхи самантра 15 çын, вĕсенчен 5 ача пурăнаççĕ. Килсе вырнаçнă çынсенчен 6-шне ĕçпе тивĕçтернĕ. Донецк облаçĕнчен нумаях пулмасть куçса килнĕ Ирина Шарипова, вĕсен çемьи номерте еплерех пурăннипе паллаштарнă. «Пире, чăнласах та лайăх пăхаççĕ, вăхăтра тасатса тăраççĕ, пур енчен те условисем çителĕклĕ таран», - тенĕ. «Российский Красный Крест» пĕтĕм Раççейри общество организацине тата Шупашкар хула администрацине, Чăваш Енре мĕн-пур пурăнакансене чĕререн тав сăмахĕ каланă. Донецк облаçĕнчен куçса килнĕ Екатерина Жилимкова хăйĕн сăмахĕнче, вĕсен çемьине Шупашкар районĕ ырăпа кĕтсе илнине палăртнă. Çĕньял ялĕнче пурăнма пур услови те пуррине асăннă, кунта пурăнма килĕшнине палăртнă. Вĕсем, хăйсене кăмăла каякан ĕçсене вырнаçнă, хăшĕсем яланлăхах пирĕн трăха юлма палăртаççĕ. «Чăваш халăхĕ ырă чунлă. Украина халăхне хамăр юлташсем тетпĕр. Пирĕн ентешсем, 100 çемьене, мĕн чухлĕ кирлĕ таран пурăнма ирĕк панă. Эпир, хамăр енчен, Украина çыннисем хăйсене килти пекех туйччĕр тесе, мĕн кирлине пĕтĕмпех йĕркелесе пама тăрăшăпăр», - тесе палăртса каланă Чăваш Ен Пуçлăхĕ. Çынсене пулăшу кӳрес тесе, ыр кăмăллăх фончĕ урлă 195 пин тенкĕ уйăрнă. Мĕн кирли пур те çителĕклĕ таран, ачасене те вĕренме шкулсене вырнаçтарнă. Тĕплĕрех