Чăваш Ен Пуçлăхĕ Михаил Игнатьев ячĕпе, Раççей Федерацийĕн шалти ĕçсен Министрĕн çумĕнчен  Виктор Кирьяновран тав сăмахĕ килсе çитнĕ. «Мускавра утă уйăхĕн 22-мĕшĕнчен пуçласа 28-мĕшĕ таран пĕтĕм Раççейри «Хăрушă мар урапа» çамрăк инспекторсн юхăмĕн конкурсĕ иртнĕ. Асăннă мероприятие Раççей Федерацийĕн мĕн-пур субъектчĕсенчен представительсем хутшăннă. Ăмăртусенче Чăваш Республикин çамрăк яшсен ушкăнĕ чи лайăх кăтартусем çĕнсе илнĕ. Пĕрлештернĕ пĕтĕмлетӳ тăрăх, чи лайăх 10 команда шутне кĕнĕ. Çакнашкал кăтартусене, çул-йĕрсем çинче асăрхануллă пулассипе субъектра тăтăшах ятарласа мероприятисем йĕркелесе ирттерсен, патшалăх влаç тытăмĕнче асăннă ыйтупа кирлĕ пек витĕм кӳрсен тин çĕнсе илме пулать. Çавăнпа та Сире, Михаил Васильевич çул-йĕр çинчи йĕркене пăхса тăракан яшсен пĕлӳ шайне ӳстерсе пырассипе пулăшу кӳнишĕн тав тăватăп. Шансах тăратăп, малашне те пĕр-пĕринпе ăнланса ĕçленине кура, ачасен сывлăхне тата вĕсен пурнăçне упраса хăварассипе ĕçсем кирлĕ пек пурнăçланса пырасса», - тесе çырнă тав сăмахĕнче. Пĕтм Раççейри  «Хăрушă мар урапа» ятарлă пулăм, ачасене çул-йĕрсем çинче инкексем тăвассинчен пăрать. ЮИД юхăмĕн инспекторĕсем ачасене çулсем çинче тимлĕ пулма вĕрентнинче пысăк яваплăх, çамрăксене çул-йĕр правилисене пăхăнса, пурнăçра тимлĕ пулма вĕрентет.