Канаш районĕ: çĕкленÿллĕ кăмăлпа ĕçлеме вăй-хăват вырма ĕçченĕсене
Кĕрхи кунăн кашни уяр саманчĕпе усă курса, тĕшĕллĕ культурăсене вăхăтра пуçтарса кĕртме тăрăшаççĕ ООО «Маяк» хуçалăх ĕçченĕсем. Шелттем ял тăрăхĕнчи библиотекăпа культура аталанăвĕн центрĕнче ĕçлекенсем ООО «Маяк» хуçалăх ĕçченĕсене апат вăхăчĕпе усă курса хаваслă юрă-кĕвĕ парнелерĕç. А.И. Федотова, Е.Н. Иванова, В.А. Николаева çĕр ĕçĕнче нумай çул хушши вăй хурса тăрăшнăшăн ырă та ăшă сăмахсемпе саламларĕç, юрă парнелерĕç. Çак самант малалла та çĕкленÿллĕ кăмăлпа ĕçлеме вăй-хăват патăр вырма ĕçченĕсене.