Чăваш Республикин Пуçлăхĕ Михаил Игнатьев Прокуратура ӗҫченӗсен кунӗ ячĕпе саламлани
Чӑваш Республикин прокуратурин хисеплӗ ӗҫченӗсем тата ветеранӗсем!
Сире професси уявӗ ячӗпе саламлатӑп!
Прокуратура патшалӑхпа общество интересӗсене, граждансен прависемпе ирӗклӗхӗсене тухӑҫлӑн хӳтӗлекен патшалӑхӑн питех те пӗлтерӗшлӗ институчӗ пулса тӑрать.
Чӑваш Республикинче саккун кӑларакан тата ӗҫ тӑвакан власть органӗсем саккунлӑха – патшалӑхӑн тӗп принципӗсенчен пӗрне – тивӗҫтерес енӗпе прокуратура органӗсемпе тухӑҫлӑн ҫыхӑнса ӗҫлеҫҫӗ. Нормӑсене йӗркелесе ҫирӗплетес ӗҫ-хӗлре те, регион аталанӑвӗшӗн пысӑк пӗлтерӗшлӗ шутланакан ыйтусене татса парас енӗпе те тачӑ ҫыхӑну йӗркеленнӗ.
Чăваш Республикинче ҫирӗплӗхе тата ӑнӑҫлӑха тивӗҫтерсе, прокуратура ӗҫченӗсем хӑйсен умӗнче тӑракан тӗллевсене малашне те пысӑк ӑсталӑхпа пурнӑҫласа пырасса шанса тӑратӑп.
Сире ҫирӗп сывлӑх, ҫӑмӑл мар тата яваплӑ ӗҫӗрте малашнехи ҫитӗнӳсем, телей тата ырлӑх сунатӑп!
Чӑваш Республикин Пуҫлӑхӗ М.Игнатьев