Чăваш Республикин Пуçлăхĕ Михаил Игнатьев «Раççей чукун çулĕ» АУО филиалĕн - Чул хула чукун çулĕн пуçлăхĕпе Анатолий Лесунпа ĕçлĕ тĕлпулу ирттернĕ
Юпа уйăхĕн 20-мĕшĕнче Чăваш Республикин Пуçлăхĕ Михаил Игнатьев «Раççей чукун çулĕ» АУО филиалĕн - Чул хула чукун çулĕн пуçлăхĕпе Анатолий Лесунпа ĕçлĕ тĕлпулу ирттернĕ. Тĕплĕ калаçăва Чăваш Республикин Министрсен Кабинечĕн Председателĕн çумĕ Михаил Резников, Чăваш Республикин финанс министрĕ Светлана Енилина, Чăваш Республикин çул-йĕр тата транспорт хуçалăхĕн министрĕ Владимир Доброхотов, «РЖД» АУП филиалĕн ертӳçисем. Анатолий Лесун хăйĕн сăмахĕнче Чăваш Республикин ертӳлĕхĕпе «РЖД» АУП пĕр-пĕринпе конструктивлă çирĕп ĕçленине асăннă. «Эпир сирĕнпе пĕр ушкăнра ĕçлетпĕр. Йывăрлăх кăларса тăратакан ыйтусене те ăнăçлăнах татса паратпăр», - тенĕ сăмаха малалла тăснă май. Чăваш Ен Пуçлăхĕ Михаил Игнатьев килĕшсе ĕçленине пысăка хакланă, кăмăллă пулнине пĕлтернĕ. «Чăваш Енри предприятисемпе организацисем «РЖД» АУП тачă çыхăну тытса пĕр-пĕриншĕн усăллă ĕçлеççĕ», - тенĕ Ертӳçĕ, калаçса килĕшнĕ пур ĕçе те тапхăр-тапхăрăн пурнăçа кĕртсе пынăшăн тав тунă. Ĕçлĕ калаçăва пухăннисем 2015 çулта республика территорийĕнче пассажирсене чукун çулпа илсе çӳретнĕшĕн хаксене саплаштарассине, хăрушсăрлăх тата ытти ыйтусем пирки те сӳтсе явнă.