Чăваш Ен таможня службин хастарĕсемпе ветеранĕсем!

Сире професси уявĕ ячĕпе ăшшăн саламлатăп!

Ĕçĕрте компетентлă тата яваплă пулни республикăна экономика хăрушсăрлăхĕпе тивĕçтерме, тулашри суту-илĕве аталантарма, инвестици лару-тăрăвне лайăхлатма май парать.

Чăваш Республикинче 27 çул каялла йĕркеленнĕ таможня органĕ çĕршыв бюджетне укçа куçармалли плансене çултан-çул ăнăçлă пурнăçласа хăйĕн ĕçĕ-хĕлĕн эффективлăхĕн тĕп кăтартăвĕсем тĕлĕшпе пысăк çитĕнӳсем тăвать.

Пирĕн регионăн экономика çыхăнăвĕсен географийĕ чăннипех нумай енлĕ: 77 çĕршывпа, çав шутра 37-шпе икĕ енлĕ – суту-илӳ хутшăнăвĕсем йĕркеленнĕ.

Республикăри таможня ĕçченĕсем  пурнăç уттинчен юлмаççĕ. Çĕнĕ технологисене алла илеççĕ, чылай операцие автоматизацилеççĕ, çапла вара тулашри экономика ĕçĕ-хĕлне хутшăнакансене пулăшу памалли вăхăта чылай кĕскетеççĕ, вĕсен кăмăлне тивĕçтерессине çӳллĕ шая çĕклеççĕ.

Чăваш таможнин посчĕн хастарĕсене ырăлăх, тăнăçлăх, çураçулăх сунатăп, сывлăхлă пулăр, ĕçĕрсем ăнса пыччăр!

Чăваш Республикин Пуçлăхĕ                                         М.Игнатьев.