Чăваш Республикин Пуçлăхĕ Михаил Игнатьев Налук службин ӗҫченӗсен кунӗ ячĕпе саламлани
Чӑваш Республикин Налук службин хисеплӗ ӗҫченӗсем тата ветеранӗсем!
Сире професси уявӗпе саламлатӑп!
Кӑҫал Раҫҫей налук органӗсем 25 ҫулне паллӑ тӑваҫҫӗ. Чӗрӗк ӗмӗр ӗнтӗ вӗсем патшалӑх хыснине налук укҫи-тенки вӑхӑтра кӗрсе тӑрассине тивӗҫтереҫҫӗ. Асӑннӑ укҫа-тенкӗ бюджетӑн тупӑш пайне тултармалли тӗп ҫӑлкуҫ пулса тӑрать, ӑна социаллӑ пурнӑҫпа экономикӑн чи кирлӗ тӗллевӗсем валли: социаллӑ программӑсене укҫа-тенкӗпе тивӗҫтерме, экономикӑпа общество инфратытӑмне аталантарма, хӑрушсӑрлӑхпа право йӗркине тивӗҫлӗ шайра тытса тӑма приоритетлӑ йӗркепе уйӑраҫҫӗ.
Хӑйсен умӗнче тӑракан тӗллевсене тухӑҫлӑн татса парса Чӑваш Ен налук службин ӗҫченӗсем налук тӳлекенсене налук тӳлессипе ҫыхӑннӑ тивӗҫсене пурнӑҫлама, административлӑ витӗме чакарма лайӑх майсем йӗркелеҫҫӗ, налук тытӑмне тытса пырас ӗҫе ҫамӑллатма пулӑшакан хальхи йышши малта пыракан электрон технологийӗсене аталантараҫҫӗ тата ӗҫе кӗртеҫҫӗ.
Налукҫӑсен професси ӑсталӑхне тата кал-кал ӗҫне пула республикӑра налук пуҫтарасси лайӑх шайра пурнӑҫланать: мӗнпур шайри бюджетсене 30 млрд тенке яхӑн укҫа-тенкӗ пухнӑ.
Хӑйсен ӗҫне тӗплӗ пӗлни тата пысӑк явапалӑхлӑ пулни Федераци налук службин Чӑваш Республикинчи управленийӗн ӗҫченӗсене тӗрӗслев ӗҫӗн тухӑҫлӑхне малашне татах та ӳстерсе пыма пулӑшасса ҫирӗппӗн шанса тӑратӑп.
Налук службин ветеранӗсемпе ӗҫченӗсене ҫирӗп сывлӑх, ӗҫре ҫитӗнӳсем, палӑртнӑ мӗнпур тӗллеве пурнӑҫлама тата ҫемье ырлӑхне сунатӑп!
Чӑваш Республикин
Пуҫлӑхӗ М.Игнатьев