Чăваш Ен Пуçлăхĕ Михаил Игнатьев ««Раççейри пенсионерсен союзĕ» обществăлла организацийĕн регионти уйрăмĕн Правленийĕн председателĕпе Валерий Сапожниковпа ĕçлĕ тĕлпулу ирттернĕ
Чӳк уйăхĕн 6-мĕшĕнче Чăваш Ен Пуçлăхĕ Михаил Игнатьев ««Раççейри пенсионерсен союзĕ» обществăлла организацийĕн регионти уйрăмĕн Правленийĕн председателĕпе, «Раççейри пенсионерсен партийĕ» регионти уйрăмĕн Политканашĕн секретарĕпе Валерий Сапожниковпа ĕçлĕ тĕлпулу ирттернĕ, ватăсене социаллă хӳтлĕх парассипе çыхăннă ыйтусене сӳтсе явнă. Республика Пуçлăхĕ Михаил Игнатьев хăйĕн сăмахĕнче регионти аслă çулсенчи çынсем обществăлла пурнăçа активлă хутшăннине каланă. Калăпăр, Халăх пĕрлĕхĕн кунĕнче те ватăсем самай нумай пуçтарăннине палăртнă. Пенсионерсем тăратакан ыйтусене республика Правительстви çирĕп тĕрĕслеве илнине каланă, мĕнпур ыйтăва яланах кирлĕ пек шайра татса панине асăннă. «Пирӗн патшалӑх политики ветерансем валли лайӑх хутлӑх йӗркелессине тата ватӑсене сума сӑвассине тӗпе хурать. Чӑваш Енре аслӑ ӑру валли тӗрлӗ ӗҫ пурнӑҫланать. Ҫакӑ тивӗҫлӗ канури ҫынсене общество пурнӑҫне хутшӑнма ырӑ майсем йӗркелет. Практика кӑтартса панӑ тӑрӑх, пурнӑҫра хастар пулни унӑн пахалӑхне чылай ҫуллӑха ҫӳллӗ шайра сыхласа хӑварма пулӑшать. «Чӑваш Республикин ӗҫ ветеранӗ» ята ӗҫ стажне кура парасси ҫинчен ҫирӗплетнӗ йышӑнӑва пула 45 пин ҫын ҫак хисеплӗ ята тата унпа килӗшӳллӗн палӑртнӑ ҫӑмӑллӑхсене тивӗҫрӗ. Республикӑри ватлӑх енне сулӑннӑ ҫынсем тӗрлӗ майпа социаллӑ пулӑшу илсе тӑраççĕ. Медицина пулӑшӑвӗ паракан тытӑм тухӑҫлӑ ӗҫлени Чӑваш Енри халӑх пурнӑҫӗн вӑтам тӑршшӗне юлашки виҫӗ ҫул хушшинче 2,5 ҫула ҫити пысӑклатма пулӑшрӗ. Нумай пурӑнакансен йышӗ ӳсрӗ. Юпа уйăхĕн 19-мĕшĕнче Ваттисен канашĕ çинчен калакан Указа алă пусса çирĕплетнĕ. Çак ĕçе республикăри пур районсемпе хуласенчен те ватă сумлă çынсен хутшăнса, хăйсен шухăш-кăмăлне пĕлтерме тăрăшмалла», - тенĕ регион Ертӳçи. «Раççейри пенсионерсен союзĕ» регионти уйрăмĕн председателĕ Чăваш Ен Пуçлăхĕн ырă пуçарăвĕсене чунтан ырланă. «Аслă çулсенчи ватăсем, Сире чăннипех те чĕререн тухакан ăшă сăмахсем калаççĕ, хăйсем патне пысăк тимлĕх уйăрнăшăн», - тесе пĕлтернĕ ырă хыпара Валерий Сапожников. Сăмаха май организацийĕн тата партийĕн ĕçĕ-хĕлĕ пирки те тĕплĕн паллаштарса хăварнă. Тĕплĕнрех