Чӑваш Республикин хисеплӗ ҫыннисем!

Сире Раҫҫей Федерацийӗн Конституцийӗн кунӗ ячӗпе саламлатӑп!

Ку уяв Раҫҫее пӗтӗм чунтан юратакан тата унӑн аталанӑвне хӑйӗн тӳ­пи­не хывса Тӑван ҫӗршыв ырлӑхӗшӗн ырми-канми тӑрӑшакан мӗнпур ҫынна пӗр­леш­терет.    

1993 ҫулта Пӗтӗм Раҫҫейӗпе иртнӗ ре­фе­рендумра Раҫҫей Федера­цийӗн Конституцине йышӑнни Раҫҫейӗн ҫӗнӗ вӑхӑтри историйӗнче чи пал­лӑ пу­лӑм пек палӑрса юлчӗ. Ҫӗршывӑн Тӗп саккунӗ право тытӑмӗн никӗсӗ, Раҫ­ҫее этем тата гражданин прависемпе ирӗклӗхӗсене хисеплемелли тата пӑ­хӑнмалли при­н­­ципсене тӗпе хурса аталантарас ӗҫри шанчӑклӑ гарант тата кӑмӑл-сипет ориентирӗ пулса тӑрать.

Ҫӗршыв ертӳлӗхӗ, Раҫҫей Федерацийӗн Конституцийӗнче палӑртса хӑ­варнӑ демократиллӗ патшалӑхӑн тӗп хаклӑхӗсем ҫине таянса, тӗплӗн шухӑш­ласа йышӑннӑ наци политикине тытса пырать, политикӑри тата со­циаллӑ пур­нӑҫри стаби­льлӗхе, Раҫҫей ҫыннисем халӗ те, малаш­лӑхра та ла­­йӑх пурӑ­нас­сине тивӗҫтерсе, никама пӑхӑнманлӑха, патша­лӑх тытӑмне, хӑрушсӑр­лӑха ҫи­рӗплетме пулӑшакан ҫул-йӗре шанчӑклӑн пурнӑҫа кӗртет.

Раҫҫей – пирӗн пӗрлехи килӗмӗр, ҫавӑнпа та унӑн пуласлӑхӗ пиртен каш­­­нинченех килет! Эпир, Чӑваш Енре пурӑнакансем, пӗрлехи тӗллеве – Раҫ­ҫей чапӗпе вӑй-хӑватне ҫирӗплетессине – пурнӑҫ­лас­сишӗн пӗр ҫын пек малалла ӑнтӑлас шутлӑ. 

Конституци нормисене пӑхӑнни, влаҫпа халӑх пӗр шухӑшлӑ пулни, ҫын­сем Раҫ­ҫей Президенчӗ В.В. Путин пурнӑҫа кӗртекен ҫул-йӗре ырласа йышӑн­ни ҫӗршыва аталантарас ӗҫре малашне те шанчӑклӑ ориентир пулассине ҫи­рӗппӗн шанса тӑратӑп.    

Пурсӑра та тӑнӑҫлӑх, ырлӑх тата тӑван Чӑваш Енпе аслӑ Раҫҫей ыр­лӑ­хӗшӗн тӑвакан мӗнпур ырӑ пуҫарура ҫитӗнӳсем сунатӑп.

Уявпа, Раҫҫей Федерацийӗн Конституцийӗн кунӗ ячӗпе сире!

Чӑваш Республикин

   Пуҫлӑхӗ                                                                                                  М.Игнатьев