Чăваш Ен Пуçлăхĕ Михаил Игнатьев Раҫҫей Федерацийӗн хӑрушсӑрлӑх органӗсен ӗҫченӗн кунне халалласа ирттернĕ торжествăлла пулăма хутшăннă
Раштав уйăхĕн 18-мĕшĕнче Чăваш Ен Пуçлăхĕ Михаил Игнатьев Раҫҫей Федерацийӗн хӑрушсӑрлӑх органӗсен ӗҫченӗн кунне халалласа ирттернĕ торжествăлла пулăма хутшăннă. «Халăх тӑнӑҫлӑхӗ тата ырлӑхӗ ытларах чухне хӑрушсӑрлӑх органӗсен ӗҫченӗсен чун ҫирӗплӗхӗнчен, тивӗҫе парӑннинчен, тухӑҫлӑ ӗҫӗнчен тата професси ӑсталӑхӗнчен килет», - тенĕ пухăннисене саламланă май Михаил Игнатьев. Регионта влаҫӑн патшалӑх органӗсемпе право сыхлавӗн органӗсем тухӑҫлӑ хутшӑнса ӗҫленӗрен коррупципе кӗрешмелли наци планӗ ӑнӑҫлӑн пурнӑҫланса пынине палăртнă. Терроризма тата экстремизма хирӗҫ кӗрешесси уйрӑмах ҫивӗч ыйтусен шутӗнче тӑнине, тулашри тупӑнсах тӑракан хӑрушлӑхсем тата ҫирӗплӗхе аркатма хӑтланакан факторсем контрразведка ӗҫ-хӗлӗнче тухӑҫлӑхрах вӑй хума хистенине каланă. Пурне те çирĕп сывлăх, ырлăхпа телей тата Тăван çĕршыв ырлăхĕшĕн пурнăçлакан служба ĕçĕнче çĕнĕ çитĕнӳсем суннă.