Чăваш Республикин Пуçлăхĕ Михаил Игнатьев Чӑваш Ен юридици пӗрлӗхӗн ӗҫченӗсене саламлани
Чӑваш Ен юридици пӗрлӗхӗн хисеплӗ ӗҫченӗсем!
Сире професси уявӗпе саламлатӑп!
Юрист ӗҫӗ яваплӑ тата пӗлтерӗшлӗ. Саккунсем йӗркеллӗн пурнӑҫланса пырасси, этем прависемпе ирӗклӗхӗсене, патшалӑх интересӗсене тивӗҫлӗ шайра хӳтӗлесси ытларах чухне Фемида ӗҫченӗсен компетентлӑхӗпе принциплӑхӗнчен килет. Ҫакӑ асӑннӑ професси ҫыннисен кӑмӑл-сипет тата этика йӗркисене уйрӑмах ҫирӗп пӑхӑнмаллине палӑртать.
Ку уяв тӗрлӗ специальноҫпа ӗҫлекен юристсене: правоведсемпе судьясене, юрисконсультсене, адвокатсемпе нотариуссене, право сферинчи ытти ӗҫчене пӗрлештерет. Вӗсем пурте граждансен прависемпе ирӗклӗхӗсене тивӗҫтерес ӗҫӗн гаранчӗсем шутланаҫҫӗ.
Чӑваш Енре пурӑнакансем тӑваттӑмӗш ҫул ӗнтӗ хӑйсен конституцире палӑртнӑ прависене пурнӑҫлама тата квалификациллӗ право пулӑшӑвне тӳлевсӗр майпа илме пултараҫҫӗ. Ҫакӑн валли республика бюджетӗнче укҫа-тенкӗ пӑхса хӑварнӑ. Кӑҫал право пулӑшӑвӗпе тӳлевсӗр тивӗҫтерекен патшалӑхӑн мар виҫҫӗмӗш центр йӗркеленӗ, унта ҫӑмӑллӑхсемпе усӑ куракан граждансем право хутшӑнӑвӗн тӗрлӗ сферинче консультаци илме пултараҫҫӗ.
Право сферинче вӑй хуракан мӗнпур ӗҫчене тата ветерансене тӳрӗлӗхшӗн, пысӑк ӑсталӑхшӑн, йӗркеллӗ тата ҫынлӑхлӑ пулнӑшӑн пӗтӗм чунтан тав тӑватӑп.
Телей, сывлӑхпа ӑнӑҫлӑх тата республикӑмӑрпа унӑн ҫыннисен ырлӑхӗшӗн тӑвакан ӗҫӗрте ҫӗнӗ ҫитӗнӳсем тума сунатӑп!
Чӑваш Республики
Пуҫлӑхӗ М.Игнатьев