Наука сферин хисеплӗ ӗҫченӗсем!    

Сире Раҫҫей наукин кунӗ ячӗпе чун-чӗререн саламлатӑп!

Пирӗн паянхи пурнӑҫри наука пӗлтерӗшне хаклама та май ҫук. Ӑс­лӑлӑх тӗпчевӗсемпе открытийӗсем хальхи обществӑн инновациллӗ ата­ланӑвӗн никӗсне йӗркелеҫҫӗ.

Чӑваш Ен Правительстви наука сферине, ҫавӑн пекех инновациллӗ пысӑк технологиллӗ тата конкурентлӑ таварсем туса кӑларакан предпри­ятисене пулӑшасси ҫине пысӑк тимлӗхпе пӑхать. Вӗсене ӗҫлеме право тата экономика тӗлӗшӗнчен лайӑх майсем туса паратпӑр. 

Чаплӑ ӑсчахсен наукӑри ҫитӗнӗвӗсем малашнехи кал-кал аталанӑва пулӑшу кӳрессе шанса тӑратӑп. Професси ӗҫӗ-хӗлӗ наукӑпа ҫыхӑннӑ мӗнпур ҫынна ҫирӗп сывлӑх, пултаруллӑ хавхалану, ҫӗнӗ открытисем тума тата экономикӑн чӑн секторӗнче тата социаллӑ сферӑра ҫӗнӗ проектсем пурнӑҫлама сунатӑп!

Чӑваш Республикин Пуҫлӑхӗ                                                М. Игнатьев