Чăваш Республикин Пуçлăхĕ Михаил Игнатьев Наркотӗрӗслев органӗсен ӗҫченӗсен кунӗ ячĕпе саламлани
Чӑваш Енри наркотӗрӗслев органӗсен хисеплӗ ӗҫченӗсем!
Сире професси уявӗ ячӗпе саламлатӑп!
Наркотиксен саккунсӑр ҫаврӑнӑшӗпе кӗрешесси влаҫ органӗсен умӗнче тӑракан чи пӗлтерӗшлӗ тӗллевсенчен пӗри шутланать.
Пирӗн республикӑра правӑна сыхлакан тытӑмсем, сывлӑх сыхлавӗпе вӗренӳ, культурӑпа спорт органӗсем тата общество организацийӗсем пӗр-пӗринпе тухӑҫлӑ хутшӑнса ӗҫлессине йӗркеленӗ. Йышӑннӑ комплекслӑ мерӑсене пула юлашки ҫулта кӑна наркотиксемпе ҫыхӑннӑ 950 преступление тупса палӑртнӑ, саккунсӑр ҫаврӑнӑшран 50 килограмм ытла наркотик хатӗрӗсемпе психотроплӑ им-ҫам тата хӑватлӑ витӗмлӗ эмел туртса илнӗ.
Наркомани сарӑлассине хирӗҫ тӑмалли тӗп ҫул-йӗрсен шутӗнче – ачасем тата вӗсен ашшӗ-амӑшӗ тӗлӗшпе пурнӑҫлакан профилактика ӗҫӗ, ҫав шутра ҫемье тата ӑс-хакӑлпа кӑмӑл-сипет хаклӑхӗсене ҫирӗплетме, сывӑ пурнӑҫ йӗркине пропагандӑлама тата наркотиксене хирӗҫле культурӑна йӗркелеме пулӑшакан право, информаципе пропаганда, физкультурӑпа спорт тата пултарулӑх мероприятийӗсем йӗркелесе ирттерни.
Раҫҫейӗн Наркотиксене тӗрӗслесе тӑракан федераци службин Чӑваш Республикинчи управленийӗн ӗҫченӗсене ҫӳллӗ шайри професси ӑсталӑхӗшӗн тата служба тивӗҫне пысӑк яваплӑхпа пурнӑҫланӑшӑн тав тӑватӑп!
Сире ҫирӗп сывлӑх, ӗҫре ҫитӗнӳсем, ырлӑх тата телей сунатӑп!
Чӑваш Ен Пуҫлӑхӗ М.Игнатьев