Республика шайĕнче ҫулсерен иртекен «Литературăллă Чăваш Ен: чи лайăх вулакан кĕнеке» акци – конкурс 2015 – мĕш ҫулхи нарăс уйăхĕнче старт илчĕ. Унăн тĕп тĕллевĕсенчен пĕри – халăхăн вулас туртăмне тата кĕнеке пĕлтерĕшне ÿстересси. Кăҫал конкурса Чăваш кĕнеке издательствинче 2013 – мĕш ҫулта пичетленсе тухнă кĕнекесем хутшăнаҫҫĕ.

Сиккасси ял библиотеки те ҫак конкурса активлă хутшăнчĕ. Вулав залĕнче кĕнеке курав «Литературная Чувашия 2013»  ятлă выставка уҫнă тата информации бюллетенĕпе буклет кăларнă.

Акци – конкурса халалласа библиотекăра тĕрлĕ мероприятисем иртрĕҫ.

«Чăваш кĕнеки» номинацинче Ангелина Павловскаян «Вĕрене шывĕ те пылак» 1- мĕш кĕнеки йышăнчĕ. Ҫамрăксемпе пенсионерсем ҫак повеҫе сÿтсе яврăҫ, вулакансемпе тĕлпулусем, калаҫусем иртернĕ.

 Чăвашла ҫырнă, чи лайăх ача – пăча кĕнекисем тăрăх «Умники и умницы» ятлă конкурс иртрĕ. Раиса Сарби хайланă «Солнечные зайчики» кĕнекипе иртернĕ «Чи лайăх сăвă калакан» конкурса А.И. Миттов ячĕллĕ вăтам шкулен 2 – мĕш классра вĕренекен ачасем савăнса хутшăнчĕҫ. Кĕнекери сăвăсене пĕчĕк вулакансем артист пекех пултаруллă выляса кăтартрĕҫ.

Уява библиотека заведующий Ольга Шоркина пĕтĕмлетрĕ, кĕҫĕн классенчи чи нумай вулакансене пĕчĕк парнесемпе хавхалантарчĕ.