Чăваш Республикин Пуçлăхĕ Михаил Игнатьев Космонавтика кунӗ ячӗпе саламлани
Хаклӑ ентешсем!
Сире Космонавтика кунӗ ячӗпе саламлатӑп!
Юрий Гагарин ҫӗр чӑмӑрӗ ҫинче пурӑнакансенчен пӗрремӗш пулса тӗнче уҫлӑхне парӑнтарнӑранпа ҫур ӗмӗр ытла иртрӗ. Уҫлӑха тӗпчесе алла илесси пирӗн пӗтӗм планетӑшӑн питех те пысӑк пӗлтерӗшлӗ. Ку енӗпе Чӑваш Ен тивӗҫлипе мухтанма пултарать, мӗншӗн тесен тӗнче уҫлӑхне парӑнтарас ӗҫ историне унӑн мухтавлӑ ывӑлӗсен – Андриян Николаевӑн, Николай Бударинӑн тата Муса Манаровӑн – ячӗсем ылтӑн саспаллисемпе ҫырӑнса кӗрсе юлнӑ.
Виҫҫӗмӗш космонавт, икӗ хутчен Совет Союзӗн Геройӗ, авиаци генерал-майорӗ Андриян Николаев ҫуралса ӳснӗ тӑрӑхра, Сӗнтӗрвӑрри районӗнчи Шуршӑл салинче, легендарлӑ ентешӗмӗре халалласа асӑну комплексӗ ҫӗклесе лартнӑ. Тӗнче уҫлӑхӗпе космонавтсем ҫинчен ытларах пӗлме, Андриян Григорьевич Николаевӑн паттӑрла пурнӑҫӗпе тӗплӗнрех паллашма май паракан ҫав комплекса килсе ҫӳрекенсен шучӗ ҫулсерен йышлӑланать.
Паян республикӑри «Элара» АУО, «Чӑвашкабель» АУО, «Электроприбор» АУО пек предприятисенче вӑй хуракан ҫӗршер ӑсчахпа конструктор, испытательпе производство ӗҫченӗ космос отраслӗн аталанӑвне хӑйӗн тӳпине хывать. Пултаруллӑ ҫамрӑк космонавтсен юхӑмӗ сарӑлса пырать тата ҫирӗпленет, ҫавӑнпа та эпӗ Чӑваш Ен ҫывӑх вӑхӑтрах тӗнчене ҫӗнӗ Гагаринсемпе Циолковскисене тата Королевсене парнелеме пултарасси пирки иккӗленместӗп!
Космос отраслӗнче ӗҫлекен мӗнпур ҫынна ҫирӗп сывлӑх, кӑткӑс та яваплӑ ӗҫре ҫитӗнӳсем, телей тата ырлӑх сунатӑп.
Чӑваш Республикин Пуҫлӑхӗ М. Игнатьев