Чăваш Республикин Пуçлăхĕ Михаил Игнатьев Ачасене хӳтӗлемелли пӗтӗм тӗнчери кун ячӗпе саламлани
Хаклӑ туссем, хисеплӗ ентешӗмӗрсем!
Сире Ачасене хӳтӗлемелли пӗтӗм тӗнчери кун ячӗпе чун-чӗререн саламлатӑп!
Ҫак уяв чи ырӑ та ҫутӑ праҫниксенчен пӗри. Ачасем – пирӗн телей, пирӗн савӑнӑҫ тата тӗп пуянлӑх.
Ашшӗ-амӑшӗ тата общество ҫитӗнекен ӑрӑва лайӑх пӗлӳ парас, пӗчӗкренех сывӑ пурнӑҫ йӗркине ӑша хывма пулӑшас, ачасене тӳрӗ чунлӑ та ырӑ кӑмӑллӑ пулма вӗрентес, вӗсене ӗҫе юратма тата хӑйсене йӗркеллӗ тытма хӑнӑхтарас, ҫӗршыва тивӗҫлӗ граждансем туса ӳстерес тесе тӑрӑшаҫҫӗ.
Чӑваш Республикинче ҫакна пурнӑҫламалли майсем кирлӗ шайра йӗркеленеҫҫӗ: ҫӗнӗ вӗренӳ учрежденийӗсемпе спорт объекчӗсем ҫӗкленеҫҫӗ, педагогика кадрӗсен ӑсталӑхӗ ӳсет, вӗренӳ тата медицина енӗпе паракан пулӑшу ӗҫӗсен пахалӑхӗ лайӑхланать, ҫамрӑксене патриотла воспитани парасси ҫине пысӑк тимлӗхпе пӑхатпӑр.
Пирӗн ачасем – питӗ пултаруллӑ та ӑнӑҫуллӑ, вӗсем республика ятне тӗрлӗ олимпиадӑсенче, конкурссемпе ӑмӑртусенче тивӗҫлипе хӳтӗлеҫҫӗ, лайӑх кӑтартусемпе савӑнтараҫҫӗ.
Пӗлтӗр Чӑваш Енри хулари 6 шкул Раҫҫейри чи лайӑх пилӗк ҫӗр шкул шутне кӗнӗ, тата пиллӗкӗшӗ ҫӗршыври ял ҫӗрӗнчи чи лайӑхшкулсен йышне кӗме тивӗҫнӗ.
Чӑвашсен ваттисен сӑмахӗ: «Тĕшĕ тымара пăхать», – тесе вӗрентет. Ача мӗнлерех лару-тӑрура ҫитӗннинчен чӑннипех те нумай килет. Вӑл сывӑ та ҫирӗп ҫемьере, юратупа евӗклӗх хуҫаланакан кил-йышра ӳссе ҫитӗнни питех те пысӑк пӗлерӗшлӗ. Ҫавӑнпа та Чӑваш Енре ҫемье институтне ҫирӗплетес тӗллевпе чылай ӗҫ тӑватпӑр.
Нумай ачаллӑ ҫемьесен шучӗ ҫулсерен хушӑнса пырать.Паян республикӑра ҫавнашкал 10 пин ытла ҫемье пурӑнать, вӗсенче 33 пин ытла ача ҫитӗнет. Чӑннипе кашни 15-мӗш ҫемье виҫӗ е ытларах ача пӑхса ӳстерет тата ҫакӑ йӗркене кӗрсе пырать!
Юлашки пилӗк ҫулта республикӑра ачасене хӑйсен ҫемйине пурӑнма илнӗ ҫемьсенче ҫитӗнекен ачасен шучӗ палӑрмаллах ӳсрӗ, ҫавна май, апла пулсан, ача ҫурчӗсенче, пепкесен ҫурчӗсенче тата интернат-шкулсенче ҫитӗнекен ачасен йышӗ виҫӗ хут чакнӑ. Паянхи куна пирӗн республикӑра 2300 ытла ҫемьере 3000 пине яхӑн усрав ача ҫитӗнет. Эпир кашни ачах хӑйне юратнине, уншӑн тӑрӑшнине тата ӑна хӳтӗленине туллин туйса тӑмалли майсене пурне те тума тӑрӑшӑпӑр.
Ҫак хӳхӗм уявра ачасене ҫӗнӗ ҫитӗнӳсемпе ӑнӑҫусем, ҫемьере тӑнӑҫлӑх, телей тата юрату сунатӑп!
Чӑваш Республикин Пуҫлӑхӗ М.Игнатьев
