Республика кунӗнче фейерверксен фестивальне ирттересси йӑлана кӗнӗ ӗнтӗ. Кӑҫал та салютсем тӳпене икӗ кун ялкӑштарчӗҫ. Çӗртмен 24-мӗшӗнчи салют  чылайӑшӗн кăмăлне çĕклентернӗ. Фестивальте камсем ҫӗнтерӳҫӗ ятне тивӗҫни паллӑ. Унта пӗтӗмпе Раҫҫейри тата чикӗ леш енчи 5 команда хутшӑннӑ. Шупашкара Сергиев Посадри «Пиро-Росс», Болгарири «Энигма фойерверк», Беларуҫри «Кальвин», Мускаври «ГлавСпецСалют» килсе ҫитнӗ. Шупашкар чысне «Пироснаб-Поволжье» хӳтӗленӗ. Ҫӗнтерӳҫӗсене палӑртнӑ чухне жюри куракансен сасӑлавне те шута илнӗ. Чăваш Республикин Пуçлăхĕн тивӗҫӗсене вӑхӑтлӑха пурнӑҫлакан Михаил Игнатьев фейерверксен фестивалӗн Гран-прине «Пироснаб-Поволжье» командӑна парса чысланă. Фестивалӗн иккӗмӗш кунӗ «Мӑнаҫлан, Чӑваш Ен!» девизпа иртнӗ. Тӗплӗнрех