Чăваш Республикин Пуçлăхĕ Михаил Игнатьев Тавралӑха сыхламалли пӗтӗм тӗнчери кунӗ ячĕпе саламлани
Хисеплӗ ентешӗмӗрсем!
Сире Тавралӑха сыхламалли пӗтӗм тӗнчери кун ячӗпе саламлатӑп!
Ҫак уяв тӗнчере пурӑнакан кашни ҫыншӑнах экологи хӑрушсӑрлӑхне сыхласа хӑварас тӗлӗшпе вӑл хӑй мӗн туни пирки тепӗр хут шухӑшласа илме пулӑшакан лайӑх мел.Ҫӗр планета пуласлӑхӗ пиртен кашниех ҫут ҫанталӑка типтерлӗ упрама тӑрӑшнинчен килет.
Чӑваш Республикинче тавралӑха сыхласси, производство сферинчи экологи хӑрушсӑрлӑхне ӳстересси, ҫут ҫанталӑк пуянлӑхӗсемпе вырӑнлӑ усӑ курасси ҫине пысӑк тимлӗхпе пӑхатпӑр.
Сывлӑш пахалӑхне, вӑрмансемпе шывсен тата тӑпрасен тӑрӑмне тухӑҫлӑн тӗрӗслесе тӑрасси йӗркеллӗ пурнӑҫланать, ҫут ҫанталӑкпа усӑ курмалли майсем лайӑхланаҫҫӗ. Ӳсен-тӑрансемпе чӗр чунсен паха генофондне сыхласа хӑварас тӗллевпе экологи тата культура хаклӑхӗпе палӑрса тӑракан ҫут ҫанталӑка уйрӑмах сыхламалли территорисемпе патшалӑхӑн ҫут ҫанталӑк заказникӗсене йӗркеленӗ.
Юлашки ҫулсенче Чӑваш Енре ҫамрӑксен экологи юхӑмӗсем хастарлӑн аталанни савӑнтарать. Пӗрле тӑрӑшса ӗҫлесе эпир экологи лару-тӑрӑвне палӑрмаллах лайӑхлатма пултарасси, тӑван енри ҫут ҫанталӑка килес ӑрусем валли тивӗҫлипе сыхласа хӑварасси пирки пӗрре те иккӗленместӗп.
Пурне те ҫирӗп сывлӑх, ӗҫре ҫитӗнӳсем, лайӑх кӑмӑл-туйӑм, телей тата ырлӑх сунатӑп!
Чӑваш Республикин Пуҫлӑхӗ М. Игнатьев