Утă уйăхĕн 27-мĕшĕнче Чăваш Республикин Пуçлăхĕн тивĕçĕсене вăхăтлăх пурнăçлакан Михаил Игнатьев Шупашкар тата Чăваш митрополичĕ Варнавăпа тĕл пулнă. Калаçу самантĕнче Чăваш Республикине Мускав тата Руç Патриархĕ Кирилл ĕçлĕ визитпа килессипе çыхăннă ыйтусене сӳтсе явнă. Тĕлпулăва Чăваш Республикин Министрсен Кабинечĕн Председателĕн çумĕ – Чăваш Республикин Пуçлăхĕн Администрацийĕн Ертӳçи Юрий Васильев, Чăваш Республикин Министрсен Кабинечĕн Председателĕн çумĕ – информаци политикин министрĕ Александр Иванов, культура министрĕ Вадим Ефимов, Шупашкар хула пуçлăхĕ Леонид Черкесов хутшăннă. Михаил Игнатьев Чăваш çĕрĕ çине Мускав тата Руç Патриархĕ Кирилл килни Чăваш Ен пурнăçĕшĕн пысăк пĕлтерĕшлĕ пулнине каланă. Пирĕн тăрăхра тĕрлĕ наци халăхĕ пĕр-пĕрне ăнланса килĕштерсе пурăнни паха. Шупашкар тата Чăваш митрополичĕ Варнава хăйĕн сăмахĕнче Мускав тата Руç Патриархĕ Кирилл Шупашкарти Таса Татиана Православи чиркĕвĕнче сумлă пархатарлă кĕлĕ вулассине каланă, хыççăн Çĕнĕ Шупашкарти чиркӳре пулассине асăннă. Хулари «Çĕнтерӳ» Асăну палăкĕ умĕнче чĕрĕ чечексенчен ăсталанă кăшăлсем хума, Калинин урамĕнче çĕнĕрен çĕкленекен чиркĕвĕн пуçламăш ĕçне пуçарма палăртнине пĕлтернĕ.  Çак кунсенче тӳрĕ эфир кăларăмĕсем халăх патне тухассине асăннă. Пулăм Шупашкар тата Чăваш митрополичĕ Варнавăшăн уйрăмах пысăк пĕлтерĕшлĕ: вăл 85 çул тултарать, Православи чиркĕвне 70 çул, Варнава Шупашкар-Чăваш кафедринче вăй хунăранпа 40 çул çитнĕ тата та ытти ĕçсем халăхшăн пĕлтерĕшлĕ.  Пĕр пухăннă пек чухне вĕсем республикăра чиркӳпе влаç пĕр-пĕринпе килĕшсе ĕçлесси пирки ыйтусем тавра канашланă. Шупашкар тата Чăваш митрополичĕ Варнава Михаил Игнатьева тăван ен ырлăхĕшĕн тăрăшса ĕçленĕшĕн, таса чунпа пурăннăшăн чĕререн тав тунă. Тĕплĕнрех