Дмитрий Медведев премьер-министр регионсенче çул-йĕр тăвасси çинчен калакан хушăва алă пуснă. Унпа килĕшÿллĕн Чăваш Ен валли 17 млн та 334 пин те 800 тенкĕ укçа уйăрĕç.

Çак нухратпа ял çĕрĕнчи халăх пурăнакан вырăнсенче хытă сийлĕ автомобиль çулĕсем тăвĕç. Ку ĕç ялсене 2014-2017 çулсенче тата палăртнă 2020 çулчченхи тапхăрта аталантарас тĕллевпе йышăннă ятарлă программăпа килĕшÿллĕн пурнăçланĕ.

Асăннă субсидие 52 регион валли уйăрĕç. Çав шутра Мари Эл - 117,9 млн, Тутарстан - 307 млн, Киров облаçĕ - 275 млн, Чулхула облаçĕ 210,9 млн тенкĕ тивĕçĕç.