Оригинал

 Чăваш Республикин Пуçлăхĕ Михаил Игнатьев Куславкка район администрацийĕн пуçлăхĕпе Валентин Колумбпа тĕл пулнă. Калаçу вăхăтĕнче Валентин Колумб муниципалитетăн финанспа экономика лару-тăрăвĕ пирки каласа кăтартнă. Регион Ертӳçи районăн харпăрхăй тупăшне тултарассипе çине тăрса ĕçлемеллине каланă. Тĕлпулу самантĕнче вырма ĕçĕ пирки те сăмах пуçарнă. Муниципалитет ертӳçи уй-хир ĕçне вăхăтра вĕçленине пĕлтернĕ, кĕрхи культурăна та сахал мар акса хăварнине каланă. Михаил Игнатьев районта çитес вăхăтра предпринимательсене бизнесра ял хуçалăхне аталантарма, выльăх-чĕрлĕх ĕрчетес ĕçе ытларах явăçтарма сĕннĕ.