Гражданла общество аталанăвĕн фончĕ губернаторсен 2015 ҫулти тухăçлăхне палӑртакан рейтингра Чăваш Ен Пуçлăхĕ Михаил Игнатьев тухăçлă ĕçлекенсен шутĕнче
Гражданла общество аталанăвĕн фончĕ губернаторсен 2015 ҫулти тухăçлăхне палӑртакан рейтинг пĕтĕмлетӗвне тунӑ. Чăваш Ен Пуçлăхĕ Михаил Игнатьев тухăçлă ĕçлекен губернаторсен шутне кĕнĕ, рейтингра вӑл тата çӳллĕрех вырăна ҫӗкленнӗ, пĕтĕмпе 64 балл пухса малтанхи рейтинг кăтартăвне 11 карт ӳстернӗ - 40-41-мĕш вырăн йышӑннă. Раççей Федерацийĕн Атăлçи округĕнче вара Чăваш Республикин Пуçлăхĕ Михаил Игнатьев 6-мĕш вырăнта. Экспертсен, тĕпчевçĕсен шухăшĕпе Михаил Игнатьев хăйĕн позицине лайăхлатни регион промышленноçне инвестицисем явăçтарнипе, импорт таварӗсене улӑштарас ĕçе çӳллĕ шайра пурнăçласа пынипе, çĕнĕ промышленноç предприятийӗсем хута кайнипе ҫыхӑннӑ, кунта Правительство тĕрĕслевĕ çирĕп пулни те, социаллă пĕлтерĕшлĕ таварсен хакĕсене асӑрхаса тӑрассине йӗркелени те витӗм кӳнӗ. Экспертсем çакăн пекех регионсен ертӳçисен ĕç тухăçлăхне халăх мӗнлерех хакланине те шута илнĕ.