Чăваш Республикин Пуçлăхĕ Михаил Игнатьев Çул-йĕр хуçалăхĕн ĕçченĕсен кунĕ ячĕпе саламлани
Çул-йĕр хуçалăхĕн хисеплĕ ĕçченĕсем тата ветеранĕсем!
Сире професси уявĕ - Çул-йĕр хуçалăхĕн ĕçченĕсен кунĕ ячĕпе чĕререн саламлатăп!
Çул-йĕр сечĕн пахалăхĕ республика экономикишĕн, социаллă ыйтусене татса парас енĕпе питĕ пысăк пĕлтерĕшлĕ. Çулçӳрев хăрушсăрлăхĕ, Чăваш Енре пурăнакансен тата республика хăнисен хăтлăхĕпе кăмăл-туйăмĕ, регионти пурнăç пахалăхĕ, инвестици климачĕ мĕнле пуласси сирĕнтен нумай килет.
Çулсем тăвасси, вĕсене реконструкцилесси, картишсене юсаса тирпейлесси пирĕн патшалăх политикин тĕп ыйтăвĕсен шутĕнче. Çул-йĕр отраслĕ валли уйăракан укçа калăпăшĕ çулсерен пысăкланса пырать, çакă çĕршер çухрăм çул тума, хуласенчи картишсен территорийĕсене юсама, кĕпер сооруженийĕсен анлă реконструкцине пурнăçлама май парать.
Çул-йĕр отраслĕн ĕçченĕсен профессионализмĕ, вĕсем инноваци технологийĕсемпе тата тивĕçлĕ техникăпа усă курни республикăн анлă çул-йĕр сечĕ кал-кал ĕçлессин никĕсĕ пулса тăраççĕ.
Сире тӳрĕ кăмăллă ĕçшĕн, яваплăха туйнăшăн чунтан саламлатăп. Отрасль ветеранĕсене Чăваш Енĕн çул-йĕр хуçалăхĕн аталанăвне пысăк тӳпе хывнăшăн чĕререн тав тăватăп.
Сире çирĕп сывлăх, çĕнĕ тĕллевсене ăнăçлă пурнăçлама, телей тата ырлăх сунатăп!
Чăваш Республикин Пуçлăхĕ М.Игнатьев