Чăваш Республикин Пуçлăхĕ Михаил Игнатьев Автомобиль тата хулари пассажир транспорчӗн ӗҫченӗсен кунӗ ячĕпе саламлани
Автомобиль тата хулари пассажир транспорчӗн хисеплӗ ӗҫченӗсем тата ветеранӗсем!
Сире професси уявӗ ячӗпе саламлатӑп!
Хальхи пурнӑҫ, регионӑн социаллӑ пурнӑҫпа экономика аталанӑвӗ автомобиль тата хулари пассажир транспорчӗсӗр мӗнлерех пуласси пирки шухӑшлама та май ҫук.
Пӗлтӗр кӑна Чӑваш Енре автомобиль транспорчӗпе усӑ курса 94 миллион ҫынна турттарнӑ. Ҫакӑ халӑха кӳрекен транспорт пулӑшӑвӗн пахалӑхне тата та лайӑхлатма кирлине, граждансем валли май килнӗ таран хӑтлӑ майсем туса памаллине, турттарас ӗҫӗн хӑрушсӑрлӑхне шанчӑклӑн тивӗҫтермеллине ӗненмелле ҫирӗплетет. Асӑннӑ тӗллевсене Чӑваш Ен Правительствипе отрасль ӗҫченӗсем йӗркеллӗн пурнӑҫласа пыраҫҫӗ. Автопарк ҫӗнелет, ҫулсен сечӗ тата ҫул-йӗр правилисене пӑснине автомат мелӗпе ӳкерсе тата ҫырса илекен тытӑм лайӑх аталанать. Ҫакӑ ҫул ҫинчи аварисен шутне чакарма пулӑшать.
Автотранспорт ӗҫченӗсен професси ӑсталӑхӗпе яваплӑхне пула транспорт ҫыхӑнӑвӗ пӗр кӑлтӑксӑр ӗҫлессине тивӗҫтерме май килет.
Ҫак уяв кунӗнче отрасль ветеранӗсене ҫамрӑк ӑрӑва тивӗҫлӗн пӑхса ҫитӗнтернӗшӗн пӗтӗм чунтан тав тӑватӑп. Сире ӗҫре улӑштаракан ҫамрӑксем те хӑйсен умӗнчи тӗллевсене сирӗн пекех ӑнӑҫлӑн пурнӑҫлама пултарасса шанса тӑратӑп.
Автомобиль тата хулари пассажир транспорчӗн ӗҫченӗсемпе ветеранӗсене ҫирӗп сывлӑх, ырлӑхпа ӑнӑҫу, Чӑваш Республикинче пурӑнакан ҫынсен ырлӑхӗшӗн тухӑҫлӑ ӗҫлеме мӗн пур лайӑххине сунатӑп!
Чӑваш Республикин Пуҫлӑхӗ М. Игнатьев
