Раштав уйăхĕн 20-мĕшĕнче Чăваш Республикин Пуçлăхĕ Михаил Игнатьев Раççей Федерацийĕн Хăрушсăрлăх органĕсен ĕçченĕсен кунне халалласа ирттернĕ паллă пулăма хутшăннă.  Регион Ертӳçи Михаил Игнатьев Хăрушсăрлăх органĕсенче тăрăшакансене  Раççей Федерацийӗ умĕнчи тивĕçсене хастарлăн пурнăç­ланăшăн, çĕршывăн общество хăрушсăрлăхне тивĕçтерес ĕçе пысăк тӳпе хы­­внăшăн тав тунă.  Хăрушсăрлăх органĕсенче вăй хуракансем хăйсен ĕçне пĕлсе пурнăçланине пула, Чӑваш Енре об­щест­вăпа политика лару-тăрăвĕ çирĕп шайра сыхланса тăнине каланă.  Çăмăл мар ӗçре хăюллӑ тата тӳсӗмлӗ пулнӑшӑн пĕтĕм чун­тан тав тунă, çирӗп сыв­лӑх, ырлӑх тата ик­сӗлми вӑй-хал суннă.

УФСБ пуçлăхĕ Сергей Софронов генерал-майор Управлени ĕçченĕсене, вĕсен çемьисене сывлăх, ĕçре çитĕнӳсемпе палăрма, Раҫҫей Федерацийӗпе Чăваш Республики умӗнчи тивӗҫсене туллин пурнăçлама каланă.