Раштав уйăхĕн 22-мĕшĕнче Чăваш Ен Пуçлăхĕ Михаил Игнатьев «МРСК Волги» – «Чувашэнерго» ПАО филиалĕн коллективне Энергетиксен кунĕ ячĕпе саламланă, республикӑри энергетика предприятийĕсенче пысăк ăсталăх­лă, темле кăткӑс объектсен энергетика хăрушсăрлăхне те тивĕçтерме, ма­­­л­та пыракан технологисене алла илме, промышленноҫăн кал-кал ӳсĕ­мĕ валли лайăх майсем йĕркелеме пултаракан специалистсем ĕçленине палăртнă. Чӑваш энергетикĕсем васкавлăн та килĕшӳллĕн ĕçлеме яланах хатӗр пулни­не, майсăр лару-тăру вăхăтӗнчи кирек мĕнле йывăрлăха та çĕнтер­­ме пул­тарнине пĕр хут ҫеҫ мар кăтартса панине асăннă.

Республикăра, хăй вăхăтĕнче, пăрлă çумăр алхаснă хыççăн, пулнă инкеке те вăхăтра сирсе яма пулăшнине аса илнĕ, уншăн пысăк тав сăмахĕсем каланă регион Ертӳçи.

Михаил Игнатьев пуласлăхлă проектсем пирки чарăнса тăнă, энергетиксене патшалăх заказĕсене илме май пулма пултарассине  пĕлтернĕ. Инвестици программипе килĕшӳллĕн, «Мускав-Хусан» пысăк хăвăртлăхпа çӳретме ирĕк паракан  чукун çул магистралĕ Чăваш Республикин территорийĕ урлă иртет.

 Чăваш Республикин Пуçлăхĕ Михаил Игнатьев тата   МРСК Волги»  АУО генеральнăй директорĕн çумĕ «Чувашэнерго» филиалĕн директорĕ Дмитрий Иванов чи лайăх çитĕнӳсемпе палăрнисене патшалăх наградисене парса чысланă. Энергетика отраслӗнче вай хуракан мĕнпур çынна çирĕп сывлăх, çи­­тĕнӳсем, ăнăçу, телей суннă. Фоторепортаж