Гражданла общество аталанăвĕн фончĕ губернаторсен тухăçлăхне палӑртакан Рейтингра Чăваш Ен Пуçлăхĕ Михаил Игнатьев тухăçлă ĕçлекенсен шутĕнче, иккĕмĕш ушкăна - çӳллĕ рейтинга кĕнĕ
Гражданла общество аталанăвĕн фончĕ губернаторсен тухăçлăхне палӑртакан 13-мĕш рейтинг пĕтĕмлетӗвне тунӑ. Чăваш Ен Пуçлăхĕ Михаил Игнатьев тухăçлă ĕçлекен губернаторсен шутне кĕнĕ, рейтингра вӑл тата çӳллĕрех вырăна ҫӗкленнӗ, пĕтĕмпе 71 балл пухса малтанхи рейтинг кăтартăвне 2 карт ӳстернӗ - 32-33 - мĕш вырăн йышӑннă, иккĕмĕш ушкăна лекнĕ, çӳллĕ рейтинга кĕнĕ (75-55). Экспертсемпе тĕпчевçĕсем регионсен социаллӑ экономикӑллӑ вырӑнне шута илнӗ. Унта регионти мӗнпур продукци калӑпӑшӗ (ВРП), пӗр ҫынна пырса тивекен ВРП калӑпӑшӗ, промышленность шайӗн улшӑнӑвӗ, вӑтам ӗҫ укҫи шайӗ, вӑтам ӗҫ укҫипе «потребитель карҫинккин» шайлашӑвӗ кӗнӗ. Унсӑр пуҫне тӗпчевре Халӑх шухӑшӗ фондӑн тата экспертсен шухӑшӗпе, Раҫҫей Федерацийӗн патшалӑх статистикин федераллӑ службин кӑтартӑвӗсемпе усӑ курнӑ. Ку танлаштарӑмра тӗрлӗ тӑрӑхсен ертӳҫисен ӗҫне хаҫат-журнал таврашӗ мӗнле ҫутатнине те шута илнӗ.