Мускавра Раççей Федерацинчи Япони Посольствинче Чăваш Республикипе паллаштаракан презентаци иртет
Çу уйăхĕн 19-мĕшĕнче Мускавра Раççей Федерацичи Япони Посольствинче Чăваш Республикипе паллаштаракан ятарлă презентаци хатĕрленĕ, унта регионăн экономика аталанăвĕпе инвестици илĕртӳлĕхĕ пирки тĕплĕн сӳтсе явĕç. Япони бизнес клубĕн членĕсене республика аталанăвĕн çул-йĕрĕпе паллаштарĕç, пуласлăхри тĕллевсене пăхса тухĕç. Чăваш Республики пирки тĕплĕн Чăваш Ен Пуçлăхĕ Михаил Игнатьев, Чăваш Республикин Министрсен Кабинечĕн Председателĕн çумĕ – экономика министрĕ Владимир Аврелькин, Раççей Федерацийĕн Президенчĕн Чăваш Енри полномочиллĕ представителĕ Леонид Волков тĕплĕн каласа кăтартĕç. Вĕсемсĕр пуçне палăртнă мероприятине Чăваш Республикинчи предприятисемпе организацисен ертӳçисем те хутшăнаççĕ.