Чăваш Республикин Пуçлăхĕ Михаил Игнатьев Пир-авӑрпа ҫӑмӑл промышленноҫӑн ӗҫченӗсен кунӗ ячӗпе саламлани
Пир-авӑрпа ҫӑмӑл промышленноҫӑн хисеплӗ ӗҫченӗсем тата ветеранӗсем!
Професси уявӗ ячӗпе манӑн ӑшӑран та ӑшӑ саламланине йышӑнсамӑр!
Чӑваш Ен хӑйӗн пир-авӑр тата ҫӑмӑл промышленноҫӗпе мӗн ӗлӗкрен мухтава тивӗҫнӗ.
Паян Чӑваш Енре ҫӑмӑл промышленноҫӑн 300 яхӑн организацийӗ конкурентлӑ шутланакан, халӑх хуҫалӑхӗн мӗнпур ортаслӗнче тенӗ пекех кӗтекен тата Европӑра туса хатӗрленисенчен нимпе те кая мар продукци туса кӑларать.
Малта пыракан производство технологийӗсене ӗҫе кӗртни, ҫӗнӗ коллекцисене туса хатӗрленӗ чухне хальхи вӑхӑтри туртӑмсем ҫине уйрӑмах тимлӗн пӑхни сире хӑвӑр туса кӑларакан таварсен пысӑк пахалӑхне тивӗҫтерме, ҫапла майпа импорта улӑштармалли ыйтусене ӑнӑҫлӑн татса пама пулӑшаҫҫӗ.
Санкци йӗрки сирӗншӗн Раҫҫей рынокӗнче малти вырӑнсене ҫӗнсе илмелли ҫӗнӗ майсем уҫать.
Эсир хӑвӑрӑн тӑрӑшуллӑ ӗҫӗрпе Чӑваш Республикин социаллӑ пурнӑҫӗпе экономикин ӑнӑҫулӑхне малашне те курӑмлӑ тӳпе хывасса ҫирӗппӗн шанса тӑратӑп.
Сире тата сирӗн ҫывӑх ҫыннӑрсене ҫӗнӗ ҫитӗнӳсемпе ҫӗнтерӳсем, телей, сывлӑх тата ырлӑхпа ӑнӑҫулӑх сунатӑп!
Уяв ячӗпе!
Чӑваш Республикин Пуҫлӑхӗ Михаил Игнатьев
