Чăваш Республикин Пуçлăхĕ Михаил Игнатьев Раççей кунĕ ячĕпе саламлани
Хаклӑ ентешӗмӗрсем!
Сире Раҫҫей кунӗ ячӗпе чун-чӗререн саламлатӑп!
Ҫак уяв наци пӗрлӗхӗн, Раҫҫей патшалӑхӗн вӑй-хӑвачӗн, Тӑван ҫӗршывӑн хальхи тата малашнехи кун-ҫулӗшӗн пирӗн пӗрлехи яваплӑхӑн символӗ пулса тӑрать.
«Вырӑс патшалӑхӗ ҫине шанса пурӑнӑр, ӑна юратӑр, вара вӑл сирӗн аннӗр пулӗ», – тесе пил панӑ пире чӑваш халӑхне ҫутта кӑларакан Иван Яковлевич Яковлев. Паллӑ ӗнтӗ, Раҫҫей регионсемпе вӑйлӑ. Чӑваш Республикинче пурӑнакансем, аслӑ ҫӗршывӑмӑрӑн мӗнпур гражданӗсем пекех, хӑйсен ӗҫри ҫитӗнӗвӗсемпе Раҫҫей аталанӑвне паллӑ тӳпе хываҫҫӗ, аслӑ Тӑван ҫӗршывӑмӑр вӑй-хӑватне ҫирӗплетме пулӑшаҫҫӗ.
Шанатӑп: пӗрле эпир хамӑрӑн юратнӑ Тӑван ҫӗршыв чапӗпе мухтавлӑхне тата та ҫӳллӗрех шая ҫӗклеме пултарӑпӑр!
Сире пӗтӗм чунтан ҫирӗп сывлӑх, ырлӑх тата ҫитӗнӳсем, тӑнӑҫлӑхпа ӑнӑҫулӑх сунатӑп!
Чӑваш Республикин Пуҫлӑхӗ М. Игнатьев
