Чăваш Республикин Пуçлăхĕ Михаил Игнатьев Медицина ӗҫченӗсен кунӗ ячӗпе саламлани
Хисеплӗ медицина ӗҫченӗсем тата сывлӑх сыхлавӗн ветеранӗсем!
Сире професси уявӗпе саламлатӑп!
Сирӗн пӗтӗм пурнӑҫӑр вӑл – этемшӗн канӑҫа пӗлмесӗр тӑрӑшни. Ҫак пурнӑҫра шӑпах эсир ӑна чи малтан кӗтсе илетӗр тата мӗн ӗмӗр тӑршшӗпех йывӑр самантсенче унпа юнашар пулатӑр.
Медицина – унта вӑй хуракан ӗҫченсене ырӑ кӑмӑллӑ, хастар та чӑтӑмлӑ пулма, тивӗҫе чунтан парӑнса тӑма хистекен ӗҫ-хӗл сферисенчен пӗри.
Паян эпир республикӑра пурӑнакансем лайӑх пахалӑхлӑ медицина пулӑшӑвӗпе пӗр чӑрмавсӑр усӑ курма пултараҫҫӗ тесе ҫирӗплетсех калама пултаратпӑр. Медицина ӗҫченӗсен професси ӑсталӑхӗ, лайӑх кӑтартушӑн тӑрӑшни, диагностикӑпа сиплевӗн малта пыракан меслечӗсене алла илни пӗтӗм Раҫҫей шайӗнче лайӑх хака тивӗҫрӗ.
Сирӗн тӑрӑшуллӑ ӗҫӗре пула Чӑваш Енре тӑваттӑмӗш ҫул ӗнтӗ демографин кал-кал аталанӑвӗ ҫирӗппӗн палӑрать, нумай пурӑнакан ҫынсен шучӗ пысӑкланать.
Пепкесем вилессине чакарас тӗлӗшпе республика ҫӗршыври малта пыракан регионсен шутӗнче. Пирӗн клиникӑсенче кӳрекен пысӑк технологиллӗ медицина пулӑшӑвӗн шучӗ, 2010 ҫулхипе танлаштарсан, икӗ хут ӳсрӗ. Халӑх медицина пулӑшӑвӗпе кӑмӑллӑ пулни сирӗн ӗҫӗр ӑнӑҫлӑхӗн питех те пӗлтерӗшлӗ кӑтартӑвӗ шутланать.
Хаклӑ туссем! Эпир сывлӑх сыхлавӗн тытӑмне лайӑхлатасси, медицина ӗҫченӗсемпе сипленекенсем валли кирлӗ пек условисем йӗркелесси ҫине малашне те пысӑк тимлӗх уйӑрӑпӑр.
Сире пархатарлӑ тата ырми-канми ӗҫӗршӗн пӗтӗм чунтан тав тӑватӑп.
Хастар кӑмӑл, ырӑ пуҫарусенче ӑнӑҫусем, ырлӑхпа телей тата, паллах ӗнтӗ, ҫирӗп сывлӑх сунатӑп!
Чӑваш Республикин Пуҫлӑхӗ Михаил Игнатьев