Чăваш Республикин Пуçлăхĕ Михаил Игнатьев Раҫҫей почтин кунӗ ячӗпе саламлани
Почта ҫыхӑнӑвӗн хисеплӗ ӗҫченӗсем тата ветеранӗсем!
Раҫҫей почтин кунӗпе чунтан саламлатӑп!
Раҫҫей почти республикӑра пурӑнакан ахаль ҫынсен кулленхи пурнӑҫӗ ҫине те, бизнес ҫине те палӑрмаллах витӗм кӳрекен пысӑк предприятисенчен пӗри шутланать.
Чӑваш Енри почта ҫыхӑнӑвӗ – кал-кал аталанакан, социаллӑ пӗлтерӗшлӗ отрасль.
2015 ҫулта Алькеш поселокӗнче почта уйрӑмӗ уҫӑлчӗ, черетре Шупашкар хулин ытти микрорайонӗнче – Ҫӗнӗ хулара, Благовещенскинче, Радужнӑйӗнче, Гладков урамӗнче ҫӗнӗ уйрӑмсем уҫасси.
Эпир Раҫҫей почтин Чӑваш Енри филиалӗ республикӑн туризм илӗртӳлӗхне ӳстерме пулӑшнине пысӑка хурса хаклатпӑр. Чӑваш Ен ҫинчен каласа кӑтартакан 80 яхӑн сӑнлӑ почта открыткисем тата паллӑ пулӑмсене халалланӑ хӑйне майлӑ почта штемпелӗсен ӳкерчӗкӗсем, унта пирӗн хуласен гербӗсене тата наци символикине ӳкернӗ, кашни кунах Раҫҫей тата тӗнче тӑрӑх саланаҫҫӗ.
Эпӗ Раҫҫей почтин мӗнпур ӗҫченне тӳрӗ кӑмӑлпа пурнӑҫлакан ӗҫӗшӗн чунтан тав тӑватӑп. Пирӗн хаклӑ ветерансене уйрӑммӑн тав туса хӑваратӑп.
Сире тата сирӗн ҫемйӗрсене чун-чӗререн ҫирӗп сывлӑх тата ырлӑх сунатӑп! Эсир илсе ҫитерекен ҫӗнӗ хыпарсем яланах лайӑххисем кӑна пулччӑр!
Чӑваш Республикин Пуҫлӑхӗ М. Игнатьев