Чăваш Республикин Пуçлăхĕ Михаил Игнатьев Чукун ҫул ӗҫченӗн кунӗ ячӗпе саламлани
Чукун ҫул транспорчӗн хисеплӗ ӗҫченӗсем тата ветеранӗсем!
Сире професси уявӗпе – Чукун ҫул ӗҫченӗн кунӗ ячӗпе пӗтӗм чунтан саламлатӑп!
Пирӗн аслӑ ҫӗршывӑмӑрӑн вӗҫӗ-хӗррисӗр анлӑхне паян хурҫӑ магистральсен йышлӑ тытӑмӗсӗр куҫ умне ӳкерме те йывӑр. Вӗсене пула ҫынсене тата тӗрлӗ грузсене турттарас ӗҫ палӑрмаллах лайӑхланчӗ. Ялсемпе хуласене ҫыхӑнтарма пулӑшнӑ май чукун ҫул территорисен социаллӑ пурнӑҫпа экономика аталанӑвӗнче паллӑ вырӑн йышӑнса тӑрать тата ҫул ҫӳремелли чи шанчӑклӑ та хӑтлӑ мел шутланать.
Чукун ҫул ӗҫченӗсен пысӑк ӑсталӑхне, кал-кал ӗҫне пула миллионшар пассажир, ҫавӑн пекех тавар туса кӑларакансем те чукун ҫул транспорчӗн пулӑшӑвӗпе хапӑл тусах усӑ кураҫҫӗ. Отрасль ҫӗнелет, халӑха кӳрекен пулӑшу ӗҫӗсен пахалӑхӗ те лайӑхланса пырать, ҫул ҫинче иртекен вӑхӑт вара палӑрмаллах кӗскелет.
Чӑваш Республики отрасль никӗсне йӗркелекен предприятисемпе шанчӑклӑн хутшӑнса ӗҫлет. Пирӗн организацисем чукун ҫул индустрине хӑйсен инновациллӗ таварӗсемпе тахҫантанпах ӑнӑҫлӑн тивӗҫтерсе тӑраҫҫӗ.
Чӑваш Ен паян пысӑк инвестици проектне – «Мускав – Хусан» пысӑк хӑвӑртлӑхлӑ магистрале – тунӑ ҫӗре хутшӑнать. Республика территорийӗнче ку чухнехи чукун ҫул магистральне 118 ҫухрӑм тӑршшӗ хывмалла, Мускава ҫитичченхи ҫулри вӑхӑт вара ҫавна май виҫӗ сехет таран кӗскелмелле. Ҫакӑ регионӑн экономика аталанӑвне ҫӗнӗ вӑй кӳрет, предпринимательлӗх хастарлӑхне ӳстерме, ҫӗнӗ ӗҫ вырӑнӗсем йӗркелеме пулӑшать.
Ҫак уяв кунӗнче чукун ҫул транспорчӗн ӗҫченӗсемпе ветеранӗсене ырми-канми ӗҫӗшӗн, тӑрӑшулӑхӗпе яваплӑхӗшӗн тата хӑйсем суйласа илнӗ ӗҫе чунтан парӑннӑшӑн чун-чӗререн тав тума ирӗк парсамӑр.
Сире ҫирӗп сывлӑх, ҫемьере ырлӑхпа телей, ӗҫре ҫӗнӗ ҫитӗнӳсем сунатӑп!
Чӑваш Республикин Пуҫлӑхӗ М.Игнатьев