Чӑваш Ен Пуҫлӑхӗ Михаил Игнатьев Ҫул-йӗр хуҫалӑхӗн ӗҫченӗсен кунӗ ячӗпе саламлани
Ҫул-йӗр отраслӗн хисеплӗ ӗҫченӗсем тата ветеранӗсем!
Сире професси уявӗпе – Ҫул-йӗр хуҫалӑхӗн ӗҫченӗсен кунӗпе – саламлатӑп!
Чӑваш Ен автоҫулӗсен лайӑх аталаннӑ тытӑмӗ – ырми-канми ӗҫчен те тӑрӑшуллӑ ҫул-йӗр ӑстисен темиҫе ӑрӑвӗн сумлӑ ӗҫӗн кӑтартӑвӗ, вӗсен професси тивӗҫӗ автомобиль ҫулӗсен шанчӑклӑ ҫыхӑнӑвне тивӗҫтерессипе тӳрреммӗн ҫыхӑннӑ.
Чӑваш Ен Ҫул-йӗр фончӗн кӑҫалхи калӑпӑшӗ 5 миллиард тенкӗ ытла. Ҫул-йӗр службин ӗҫченӗсем тӑрӑшнипе республикӑра транспорт инфратытӑмне ҫӗнетес тӗлӗшпе анлӑ ӗҫ пырать. Вырӑнти тата регион пӗлтерӗшлӗ ҫулсен пахалӑхӗпе хӑрушсӑрлӑхӗ ӳсет, ҫӗнӗ магистральсемпе кӗперсем, транспорт ункисемпе ытти сооруженисем хута каяҫҫӗ.
Хӑйсен ӗҫне чунтан парӑннӑ, умри тӗллевсене чыслӑн пурнӑҫлассишӗн тӳрӗ кӑмӑлпа тата яваплӑха туйса ӗҫлекен отраслӗн мӗнпур ӗҫченӗпе ӗҫ организацине чун-чӗререн тав тӑватӑп. Сирӗн пултаруллӑ та ҫӑмӑл мар ӗҫӗр чӑннипех хисепе тивӗҫ.
Сире тата сирӗн ҫемйӗрсене ҫирӗп сывлӑх, тӑнӑҫлӑх, телей тата ырлӑх сунатӑп!
Чӑваш Республикин Пуҫлӑхӗ Михаил Игнатьев