Раҫҫей Федерацийĕн Президенчĕ Владимир Путин Чăваш Республикин Пуҫлăхне Михаил Игнатьева тата Чăваш Енре пурăнакансене Халăх пĕрлĕхĕн кунĕ ячĕпе ăшшăн саламланă.

«Патриотизм, гражданлăх, Тăван ҫĕршывăн историне ăша хывса пурăнни, ăна юратни, ĕмĕрсем хушши унăн шăпишĕн яваплăха туйни  - пирĕн халăха пĕр чăмăра пухса, пĕрлештерсе пырать, кирек епле йывăрлăха та ҫĕнтерме витĕм кӳрет.  Ҫак тупрасене тытса пырса, ăна упрама пĕлни – пурсăмăра та тата вăйлăрах пулма пулăшать, ӳсĕмсемпе ĕҫлеме шанăҫ ҫураттарать. Раҫҫей ăнăҫăвĕшĕн, ырлăхĕшĕн пурсăмăра та тăрăшса ĕҫлеме вăй-хăват парать», - тесе ҫырнă саламра.